ശ്വേതൻ

  കരിമുട്ടം ക്ഷേത്ര ഗ്രൂപ്പിൽ ചോദിച്ചിരുന്ന  ചോദ്യത്തിന് പതിവ് പോലെ ഉത്തരം പോസ്റ്റ് ചെയ്യുന്നു.

വിരാടരാജാവിന്റെ പുത്രനാണ് ശ്വേതൻ. ഇദ്ദേഹം ഉത്തരന്റെ സഹോദരനായിരുന്നു . കോസലരാജകുമാരിയായ സുരഥയിൽ വിരാടന് ജനിച്ചവനാണ് ശ്വേതൻ. ഭാരതയുദ്ധത്തിൽ ഈ വീരൻ പാണ്ഡവപക്ഷം ചേർന്ന് പോരാടി. ഇദ്ദേഹത്തിന്റെ സഹോദരനായ ഉത്തരനെ ശല്യർ കൊന്നപ്പോൾ , ഇദ്ദേഹം പകയോടെ ശല്യരെയും കൗരവപ്പടയെയും ആക്രമിച്ചു. ശല്യർ മരണത്തോടടുത്തപ്പോൾ ഭീഷ്മർ ഇടപെടുകയും , തുടർന്ന് ഭീഷ്മരുമായി ഇദ്ദേഹം പോരാടുകയും ചെയ്തു. പല ഘട്ടത്തിലും ഇദ്ദേഹം ഭീഷ്മരെ വധിക്കുമെന്ന് തോന്നിച്ചു. ഒടുവിൽ അവസരോചിതമായി ഭീഷ്മർ പ്രയോഗിച്ച ഒരു ദിവ്യാസ്ത്രമേറ്റ് ശ്വേതൻ മരിച്ചു വീണു.

🙏🙏🙏🙏🙏🙏🙏

 കരിമുട്ടം ദേവി ക്ഷേത്രം