സാളഗ്രാമങ്ങൾ

  കരിമുട്ടം ക്ഷേത്ര രണ്ടാം ഗ്രൂപ്പിലെ ഒരു അംഗം ചോദിച്ചിരുന്ന  സംശയത്തിന് ശേഖരിച്ച ഉത്തരം പോസ്റ്റ് ചെയ്യുന്നു.

സാമാന്യമായി പറയുകയാണെങ്കിൽ വിഷ്ണുവിന്റെ പ്രതിമ നിർമ്മിക്കുന്ന കല്ലാണ് സാളഗ്രാമം. ചക്രചിഹ്നങ്ങളോടുകൂടിയ സാളഗ്രാമം പൂജിക്കുന്ന മനുഷ്യന് പിന്നീട് ജന്മമെടുക്കേണ്ടിവരില്ലെന്നും അവർ സർവ്വഗുണങ്ങളും തികഞ്ഞവരായി തീരുന്നുവെന്നുമാണ്‌ ഹിന്ദുക്കളുടെ വിശ്വാസം. സ്ത്രീകൾ സാളഗ്രാമം തൊടുകയോ പൂജിക്കുകയോ ചെയ്യാൻ പാടുള്ളതല്ല എന്നും നിഷ്കർഷയുണ്ട്.
മഹാവിഷ്ണുവിന്റെ അവതാരം എന്നു വിശ്വസിക്കപ്പെടുന്ന ഈ കല്ലുകൾ ശാസ്ത്രദൃഷ്ടിയിൽ അമോണൈറ്റ് കല്ലുകളാണ്.  1940-ൽ‌ സ്വാമി പ്രണവാനന്ദജി ഹിമാലയത്തിലെ കുടി എന്ന ഗ്രാമത്തിൽ നിന്നും ശേഖരിച്ച നിരവധി സാളഗ്രാമങ്ങളെ പഠനവിധേയമാക്കി. ടിങ്കർ, ലിപു, കങ്കർ-ബിങ്കർ, നീതി എന്നീ ചുരങ്ങളിലും സാളഗ്രാമങ്ങൾ കാണപ്പെടുന്നു


പത്തൊൻപത് വിധത്തിലുള്ള സാളഗ്രാമങ്ങളുണ്ട്.

1.ലക്ഷ്മീ ജനാർദനം -കറുപ്പുനിറം

2. ലക്ഷ്മീ നാരായണം -ഒരു സുഷിരം, നാലുചക്രം, വനമാല പോലുള്ള വര

3. വാമനം - കറുപ്പുനിറം, വളരേ ചെറിയ ചക്രം

4. രഘുനാഥം -- രണ്ടു സുഷിരം, നാലുചക്രം, കന്നുകാലികളുടെ കുളമ്പടി അടയാളം

5.ശ്രീധരം- വളരേ ചെറിയ രണ്ടു ചക്രം, കറുപ്പുനിറം, വനമാല പോലുള്ള വരയില്ല

6. രണരാമം- രണ്ടു അമ്പുകളുടേയും ആവനാഴിയുടേയും ചിഹ്നം, ഇടത്തരം വലിപ്പം

7. ദാമോദരം - ഇരുണ്ട വലിയ ശില, രണ്ടു ചക്രം,വനമാലപോലുള്ള വരയില്ല

8. അനന്ത ശില- ശ്യാമമേഘവർണ്ണനീയത, പതിനാലു ചക്രം

9. രാജരാജേശ്വരം - ഏഴു ചക്രം

10. മധുസൂദനം - അത്യുജ്വല തേജസ്സാർന്ന രണ്ടു ചക്രം

11. സുദർശനം - ഒരു ചക്രം

12. ഗദാധരം- തേജസ്സാർന്ന ഒരു ചക്രം

13.ഹയഗ്രീവം - രണ്ടു ചക്രം, കുതിര മുഖം

14. നരസിംഹം - സിംഹരൂപം, രണ്ടു ചക്രം

15.ലക്ഷ്മീ നരസിംഹം - രണ്ടു ചക്രം, വനമാലപോലുള്ള വര

16. പ്രദ്യുമ്നം - ചാരനിറം, സൂക്ഷ്മമായ ഒരു ചക്രം, അനവധി ച്ഛിദ്രങ്ങളുള്ള ഏക സുഷിരം

17. വാസുദേവം - സ്ഫടിക സദ്രിശം

18. സങ്കർഷണം - ദ്വിമുഖ സഹിതം

19. അനിരുദ്ധം - ആകൃതി ഒത്ത് ഉരുണ്ടത്

പാലാഴിമഥനത്തിൽ അസുരന്മാർ തട്ടിക്കൊണ്ടു പോയ അമൃത്‌ തിരിച്ചെടുക്കാൻ മോഹിനി വേഷം പൂണ്ട മഹാവിഷ്ണുവിൽ പരമ ശിവൻ പുത്രോൽപാദനം നടത്തിയതിനെത്തുടർന്നു മൊഹിനി ഛർദ്ദിച്ചപ്പോൾ ‍കണ്ടക(ഗണ്ഡക) എന്ന നദി ഉണ്ടായി. അതിൽ വജ്രദന്തം എന്ന പ്രാണികളും. അവ കളിമണ്ണുകൊണ്ടു കൂടുണ്ടാക്കി നദീതീരത്തു താമസ്സിച്ചു.വെള്ളപ്പൊക്കത്തിൽ പ്രാണികൾ നശിച്ചാലും ഉറപ്പേറിയ കൂടുകൾ നശിക്കില്ല. അവയുടെ നടുവിൽ ശ്രേഷ്ഠ ചിഹ്നങ്ങൾ രൂപപ്പെടും. വിഷ്ണുവിന്റെ ഛർദ്ദിയിൽ നിന്നുണ്ടായ ഈ കൂടുകളാണ്‌ സാളഗ്രാമങ്ങൾ. ശിവനും സൃഷ്ടിയിൽ പങ്കുള്ളതിനാൽ ശിവപൂജക്കും സാളഗ്രാമങ്ങൾ ഉപയോഗിക്കും. സാളഗ്രമിൽ ഒരു ദ്വാരം കാണും. അതിലൂടെ നോക്കിയാൽ ഉള്ളിൽ സർപ്പിള രേഖ കാണാം. അതിന്റെ എണ്ണവും സ്വഭാവവും അനുസരിച്ച്‌ ദശാവതാരങ്ങളിൽ ഏതിനെയാണു സൂചിപ്പിക്കുന്നതെന്നു മനസ്സിലാക്കാം


🙏🙏🙏🙏🙏🙏🙏
 കരിമുട്ടം ദേവി ക്ഷേത്രം