കിം പുരുഷ ദേശം
കരിമുട്ടം ക്ഷേത്ര ഗ്രൂപ്പിൽ ചോദിച്ചിരുന്ന ചോദ്യത്തിന് പതിവ് പോലെ ഉത്തരം പോസ്റ്റ് ചെയ്യുന്നു.പ്രിയവ്രതപുത്രനായ ആഗ്നീധ്രന്റെ ഒന്‍പതു പുത്രന്മാരില്‍ ഒരുവനാണ്‌ കിംപുരുഷന്‍. ആഗ്നീധ്രന്‍ തപസ്സിലേര്‍പ്പെട്ടിരിക്കവേ ആദിദേവന്‍ നിയോഗിച്ച പൂര്‍വചിത്തി എന്ന അപ്‌സരസിനെ സ്വീകരിച്ചുവെന്നും അദ്ദേഹം അവളില്‍ ഇളാവൃതന്‍, ഭദ്രാശ്വന്‍, ഹരി തുടങ്ങിയ ഒന്‍പതു പുത്രന്മാരെ ജനിപ്പിച്ചുവെന്നും ഒടുവില്‍ പൂര്‍വചിത്തി ദേവലോകത്തിലേക്കു മടങ്ങവേ ശോകാര്‍ത്തനായി പുത്രന്മാര്‍ക്കു രാജ്യം പങ്കിട്ടുകൊടുത്ത്‌ വനത്തിലേക്കു പോയിയെന്നും ഭാഗവതം അഞ്ചാം സ്‌കന്ധത്തില്‍ പ്രസ്‌താവിച്ചുകാണുന്നു. കിംപുരുഷനു പിതാവില്‍ നിന്നു ലഭിച്ച ദേശം പില്‌ക്കാലത്തു കിംപുരുഷവര്‍ഷമെന്ന പേരില്‍ പ്രസിദ്ധമായിത്തീര്‍ന്നു. ഹേമകൂടത്തിനു തെക്കായി സ്ഥിതിചെയ്യുന്ന ഈ ദേശം പരമഭാഗവതനായ ഹനുമാന്റെ വാസസ്ഥാനമാണെന്നും ലക്ഷ്‌മണാഗ്രജനായ രാമനെ ഗന്ധര്‍വന്മാരോടൊപ്പം ആരാധിച്ചുകൊണ്ട്‌ ആ ഭക്തന്‍ അവിടെ വസിച്ചുവരുന്നുവെന്നും പൗരാണികന്മാര്‍ വിശ്വസിക്കുന്നു.
""കിംപുരുഷേ ങ്കപിവര്‍ഷേ ഭഗവന്തമാദിപുരുഷം ലക്ഷ്‌മണാഗ്രജം സീതാഭിരാമം രാമം തച്ചരണ സങ്കര്‍ഷാഭിരതഃ പരമഭാഗവതോ ഹനുമാന്‍ സഹ കിം പുരുഷൈരവിരത ഭക്തിരുപാസ്‌തേ.
(ഭാഗവതം പഞ്ചമസ്‌കന്ധം)
🙏🙏🙏🙏🙏🙏🙏
കരിമുട്ടം ദേവി ക്ഷേത്രം
No comments:
Post a Comment