*എത്ര തിരിയിട്ട് വിളക്ക് കൊളുത്തണം?*

ഏകവർത്തിർമ്മഹാവ്യാധിർ-
ദ്വിവർത്തിർമ്മഹദ്ധനം:
ത്രിവർത്തിർമ്മോഹമാലസ്യം
ചതുർവ്വർത്തിർദ്ദരിദ്രതാ
പഞ്ചവർത്തിസ്തു ഭദ്രം സ്യാ -
ദ്വിവർത്തിസ്തു സുശോഭനം.

ഒരു തിരിയിട്ട് വിളക്ക് കത്തിച്ചാൽ രോഗം ഫലം, രണ്ട് തിരിയിട്ട് കത്തിച്ചാൽ ധനലാഭം, മൂന്ന് തിരിയിട്ട് കത്തിച്ചാൽ കുടുംബത്തിൽ അലസത, നാല് തിരി ദാരിദ്ര്യം ഉണ്ടാക്കും അഞ്ച് തിരി ഐശ്വര്യമുണ്ടാക്കും.
എന്നാണ് ആചാര്യൻമാർ പറഞ്ഞിട്ടുള്ളത്...

ഒരു തിരിയിട്ട് കത്തിച്ചാൽ രോഗം വരുമോ എന്ന് ചോദിച്ചാൽ.. ഇല്ല. കത്തിച്ചില്ലെങ്കിലും രോഗം വരില്ല. വിളക്ക് കത്തിക്കാത്ത എത്രയോ ഭവനങ്ങൾ ഉണ്ട്. നിത്യവും രണ്ടോ അഞ്ചോ തിരിയിട്ട് വിളക്ക് കത്തിക്കുന്ന ഭവനങ്ങളിലും രോഗങ്ങളും പ്രശ്നങ്ങളും ഉണ്ടാകുന്നില്ലേ.. പിന്നെ എന്തിനാണ് പണ്ടുള്ളവർ ഇങ്ങനെ പറഞ്ഞത് എന്ന് ചോദിച്ചാൽ... എന്തെങ്കിലും കാര്യമുണ്ടാവും എന്നേ ഉത്തരമുള്ളൂ.

എങ്ങനെ തിരിയിടണം.?
രണ്ട് തിരിയിടുന്നതാണ് നല്ലത്. ഒന്ന് കിഴക്കോട്ടും ഒന്ന് പടിഞ്ഞാറും ഇട്ട് കത്തിക്കണം.
(ഒരു തിരി മാത്രമിട്ടാൽ ഒരു ഭാഗത്ത് നിഴല് വരും.. 2 തിരിയിട്ട് കത്തിച്ചാൽ എല്ലാ ഭാഗത്തും പ്രകാശം എത്തും)

അഞ്ച് തിരിയിട്ടാണ് കത്തിക്കുന്നതെങ്കിൽ.. കിഴക്ക്, തെക്ക്, പടിഞ്ഞാറ്, വടക്ക് ഭാഗത്തേക്ക് ഓരോ തിരിയും വടക്ക് കിഴക്കായി ഒരു തിരിയും ഇട്ട് കത്തിക്കണം.

സന്ധ്യാ ദീപം കാണുമ്പോൾ ഉള്ള പ്രാർത്ഥനാ ശ്ലോകം:

"ശിവം ഭവതു കല്യാണം
ആയുരാരോഗ്യ വർധനം
മമ ദു:ഖവിനാശായ
സന്ധ്യാദീപം നമോ നമ"
(ശത്രു വിനാശായ എന്നും കണ്ടിട്ടുണ്ട് )

ഏത് എണ്ണ?
വീടുകളിൽ എള്ളെണ്ണ ഉത്തമം.. നെയ്യോ വെളിച്ചെണ്ണയോ ഉപയോഗിക്കാം.

നിലത്ത് വെക്കാമോ?
പാടില്ല എന്ന് പറയുന്നു.. ബ്രഹ്മാവിഷ്ണു മഹേശ്വരൻമാർ കുടികൊള്ളുന്നു എന്ന് വിശ്വസിക്കപ്പെടുന്ന നിലവിളക്ക് പലകയിലോ താലത്തിലോ വെക്കാം.

തിരിവയ്ക്കുവാൻ വെട്ടില്ലാത്ത ഒഴുക്കൻ വിളക്കാണ് വേണ്ടത്. കൃത്യമായ അകലത്തിൽ വെട്ട്, നാക്ക് ഉള്ള വിളക്ക് ലക്ഷണയുക്തം അല്ല. തിരിയിടുമ്പോൾ ദിക്കു തിരിക്കാൻ വെട്ടില്ലാത്ത വിളക്കിൽ എളുപ്പമാകും. വിശേഷ ദിവസങ്ങളിൽ 5, 7,9, ഇങ്ങനെ തിരിയിട്ടു കത്തിയ്ക്കാം. എന്തായാലും രണ്ടു തിരിയാണ് കൂടുതൽ വൃദ്ധികരം.

ഇനി അൽപം ജോതിഷ കാര്യം:

സ്നേഹോയ സ്യേഹ ദേഹോ ഭവതി = എണ്ണ -ദ്ദേഹമായി ഭവിക്കുന്നു
പാത്രം ഗേഹം = വിളക്കിലെ എണ്ണ കൊള്ളുന്ന പാത്രം/വിളക്ക് വീടിനെ പ്രതിനിധാനം ചെയ്യുന്നു
തദുദ രേവർത്തി നീ വർത്തി രാത്മാ = അതിനുള്ളിൽ വർത്തിക്കുന്ന വർത്തി / തിരി - ആഗൃഹത്തിലെ ആത്മാക്കളെ / അംഗങ്ങളെ പ്രതിനിധീകരിക്കുന്നു
 ജ്വാലാ ചായു-ജ്വാല ആയുസ്സിനെയും
തദീയേ വിമലമലിന തേ സൗഖ്യ ദു:ഖേ ക്രമേണ = അതിലെ വിമല,മലിനതകൾ ക്രമേണ സുഖദു:ഖങ്ങളയും
 (എണ്ണയിലെത്- ദേഹത്തിന്റെയും, തിരിയുടെ ആളുകളുടെ സ്വഭാവ ഗുണം തുടങ്ങിയവയും, പാത്രത്തിന്റെത് വീടിന്റെയും എന്നിറയണം )
മൃദു പരുഷ ഗുണൗ= മന്ദമാരുതനും ശക്തമായ
സമീര =കാറ്റുകൾ
ബന്ധു ശത്രുസ്വരൂപാ:
പ്രഷ്ടു:- പ്രഷ്ടാവിന്റെ
വൃത്തം = കഥകളെ / അനുഭവങ്ങളെ
ദേവതാത്മാ = ദേവതാത്മാവായ
സദീപ: = ആ ദീപം
പ്രായേണ = മിക്കവാറും
പിശു നയതി=
സൂചിപ്പിക്കുന്നു
പ്രശ്ന സ്ഥലത്തെവിളക്ക് നോക്കി
(ഇത് ജ്യോൽസ്യന്മാർക്ക് ഫലം പറയാനാണ്)

നിത്യമായി കിഴക്കോട്ടും പടിഞ്ഞാട്ടും ഓരോ തിരിയിട്ട് കത്തിക്കാം

സാധാരണ സന്ധ്യ കഴിഞ്ഞാൽ വിളക്കു വീശി കെടുത്തി ലോകാഗ്നിയാക്കണം (എണ്ണയിൽ മുക്കി അണക്കരുത്. താഴോട്ട്അടിച്ച് കെടുത്തുകയും അരുത്

തൂക്കവിളക്കിനും ഇപ്പറഞ്ഞതൊക്കെ ബാധകം. തൂക്ക് വിളക്ക് സാധാരണയായി വീടുകളിൽ ഉപയോഗിച്ച് കാണാറില്ല. ഉപയോഗിക്കുന്നത് കൊണ്ട് ദോഷവുമില്ല.