ആസ്തികൻ

കരിമുട്ടം ക്ഷേത്ര ഗ്രൂപ്പിൽ ഉന്നയിച്ച ചോദ്യത്തിന്റെ ഉത്തരമാണിത്.

മഹാഭാരതത്തിൽ ജരത്കാരു എന്ന മഹർഷി ബ്രഹ്മചര്യവും തപസ്സുമായി സഞ്ചരിക്കുന്നതിനിടയിൽ തന്റെ പിതൃക്കൾ തലകീഴായി ഒരു ചരടിൽ തൂങ്ങിക്കിടക്കുന്നതു കണ്ടു. ചരട് എലികൾ കരണ്ട് മുറിയാറായിട്ടുണ്ട്. ആ ദുഃസ്ഥിതിക്ക് കാരണം അന്വേഷിച്ചപ്പോൾ തനിക്ക് സന്തതി ഇല്ലാത്തതാണെന്ന് ഇദ്ദേഹത്തിന് ഗ്രഹിക്കുവാൻ കഴിഞ്ഞു. തന്റെ തന്നെ പേരോടുകൂടിയ ഒരു കന്യകയെ ലഭിക്കുന്ന പക്ഷം താൻ വിവാഹം ചെയ്യാമെന്ന് ഒടുവിൽ ജരത്കാരു പിതൃക്കളോട് പ്രതിജ്ഞ ചെയ്തു. അനന്തരം സർപ്പ രാജാവായ വാസുകിയുടെ സഹോദരിയായ ജരത്കാരുവിനെ ജരത്കാരു മഹർഷി വേൾക്കുകയുണ്ടായി. അവളിൽ ജനിച്ച വംശപ്രതിഷ്ഠാപകനായ പുത്രനാണ് ആസ്തികൻ. അതോടെ ദുർഗതിയിൽനിന്ന് പിതൃക്കൾ മുക്തരായിത്തീർന്നു. ഇപ്രകാരം പിതൃക്കളോടുള്ള കടമ നിർവഹിക്കുന്നവനെയാണ് അപത്യം എന്നു വിവക്ഷിക്കുന്നത്. സത്യവാദിയും മൊത്തം നാഗങ്ങളുടേയും തന്ത്രപ്രധാനിയായ പരിപാലകനാണ് വാസുകി....സ൪പ്പസത്രമൊഴിവാക്കാന് തന്റെ ഭാഗിനേയനായ ആസ്തികനെ സത്രം നടത്തുന്ന സഭയിലേക്കയച്ച് സത്രം മതിയാക്കിച്ച് നാഗരക്ഷ ചെയ്തതിനാല്‍ എല്ലാ നാഗങ്ങളും കൂടി വാസുകിയെ നാഗരാജാവായി അഭിഷേകം ചെയ്തു...

കരിമുട്ടം ദേവി ക്ഷേത്രം