കൈകസി
കരിമുട്ടം ക്ഷേത്ര ഗ്രൂപ്പിൽ ചോദിച്ചിരുന്ന ചോദ്യത്തിന് പതിവ് പോലെ ഉത്തരം പോസ്റ്റ് ചെയ്യുന്നു.രാമായണത്തിലെ കഥാപാത്രമായ വിശ്രവസ്സിന്റെ പുത്രനും ലങ്കാധിപതിയുമായിരുന്ന രാവണന്റെ മാതാവാണ് കൈകസി. ബ്രഹ്മാവിന്റെ വിശപ്പില്‍നിന്നു ജനിച്ച ഹേതി എന്ന യക്ഷന് കാലന്റെ സഹോദരിയായ 'ഭയ'യില്‍ വിദ്യുത്കേശന്‍ ജനിച്ചു. അയാള്‍ക്കു സന്ധ്യയുടെ പുത്രിയായ സാലകടങ്കയില്‍ സുകേശനും അയാള്‍ക്കു ഗന്ധര്‍വനായ മണിമയന്റെ പുത്രി ദേവവതിയില്‍ മാല്യവാന്‍, സുമാലി, മാലി എന്നിവരും ജനിച്ചു. സുമാലിക്കു കേതുമതിയില്‍ പ്രഹസ്തന്‍ മുതലായ പത്തു പുത്രന്മാരും വേക (ബൃഹ), പുഷ്പോത്കട, കൈകസി, കുംഭീനസി എന്നിങ്ങനെ നാലുപുത്രിമാരും ഉണ്ടായി.
സുമാലി സകുടുംബം വനത്തില്‍ സഞ്ചരിക്കുമ്പോള്‍ അനേകം യക്ഷന്മാര്‍ വൈശ്രവണനെ നമസ്കരിക്കാന്‍ പോകുന്നതു കണ്ടു. വിശ്രവസ്സിന്റെ പുത്രനായതുകൊണ്ടാണ് വൈശ്രവണന്‍ ഇപ്രകാരം ആരാധിക്കപ്പെടുന്നത് എന്നു ധരിച്ച സുമാലി പുത്രിയായ കൈകസിയെ വിശ്രവസ്സിന്റെ അടുക്കല്‍ എത്തിച്ചു. അവളുടെ ശുശ്രൂഷകൊണ്ട് സന്തുഷ്ടനായ വിശ്രവസ്സ് അവളെ വിവാഹം കഴിച്ചു. സന്താനാര്‍ഥിനിയായ കൈകസിക്കു അദ്ദേഹത്തില്‍ നിന്നും രാവണന്‍, കുംഭകര്‍ണന്‍, വിഭീഷണന്‍ എന്നു മൂന്നു പുത്രന്മാര്‍ ജനിക്കുകയും ചെയ്തു.
🙏🙏🙏🙏🙏🙏🙏
No comments:
Post a Comment